BAWAL PA RIN KAHIT NAGPALIT NG KATAWAGAN - MULA POGO NAGING IGL

 

Photo credit: Jessica Fenol, ABS-CBN News 

Dahil sa lumalaking bilang at lumalakas na tinig ng mamamayan  na tumututol sa POGO, napilitan ang pagpapalit ng bagong katawagan dito.

Noong Oktubre 2023, ipinagbigay-alam ng Philippine Amusement and Gaming Corp. (PAGCOR), sa pahayag ni  PAGCOR chairman and CEO Alejandro Tengco, ang pagpapalit sa katawagan sa mga Philippine Offshore Gaming Operators (POGO) at  pinalitan ito ng bagong katawagan – ang IGL (Internet Gaming Licensees) Pagcor issues 40 licenses to rebranded POGOs | Philstar.com. Bago ito, binago rin ang mga regulasyon nito at tinawag itong “Internet Gaming Licensing Regulations” na nagkabisa noong Hulyo 12, 2023.

Ayon din sa balitang ulat na ito, nagbigay lamang ang PAGCOR noong Mayo 2024 ng lisensiya sa 40 regular na operators at 9 na provisional licenses sa mga operator sa probinsya.

Nang ipinahayag ni Pang. Ferdinand Marcos Jr sa kanyang SONA ang pagbabawal at pagsasara ng POGO ngayon taon, sinabi rin ng PAGCOR na ang POGO at IGL ay magkapareho at ito rin ay parehong ipagbabawal . POGOs and IGLs are the same, both banned: PAGCOR | ABS-CBN News  

Image credit: https://www.ggrasia.com/

“IGL is the name that replaced POGO. Both cater to offshore markets, in the case of those operating in the Philippines, they serve markets in Mainland China, parts of the US and Europe,” ito ang pahayag ni PAGCOR Assistant Vice President Catalino Alano Jr. sa ABS-CBN News.

Ayon pa sa balitang ulat na ito, kakaiba ang IGL dahil ito ay E-Games or Electronic Gaming na sumasaklaw sa E-Bingo, Sports Betting, Specialty Games, online casinos, at ang Philippine Inland Gaming Operators (PIGO), na lahat ay para lamang dito o sa domestic market. Sa kabilang banda, ang POGO daw ay para sa international market. Ngunit pareho lamang ito ayon sa PAGCOR.

Gayunpaman, ayon sa PAGCOR sakop ng POGO ban ng pamahalaan ang IGL. PAGCOR confirms IGLs included in POGO ban, promises to follow Presidential order — CDC Gaming Sinabi ni PAGCOR Chairman and CEO Tengco na ang lisensya ng natitirang 43 IGL ay ikakansela sa pagtatapos ng taon.

Ayon sa iba, ang POGO ay ni-rebrand lang at tinawag na IGL, upang masabing wala ng POGO sa bansa. Same dog, different collar. EDITORIAL - Finally, a POGO ban | Philstar.com Kung gayon, ang POGO o IGL man ay parehong lugar kung saan nangyayari ang mga illegal na transaksyon at negosyo, hindi lang sa online gaming o pagsusugal kundi ito rin ay hub o sentro ng internet hacking, online scam, black market banking, investment scam, online sexual abuse and prostitution, atbp.

 Ang Novaleños Against POGO Movement ay isang malayang samahan ng mga residente ng District 5, Quezon City na lumalaban at tumututol sa pagkakaroon ng POGO sa aming lugar.

Kung may nalalaman kayo tungkol sa iligal na gawain na may kinalaman sa POGO, makipag-ugnayan at ipagbigay-alam lamang po sa aming Facebook page: https://www.facebook.com/profile.php?id=61567020316113

 

 

Comments

Post a Comment

Popular posts from this blog

ANG BLACK MARKET BANKING AT ANG POGO

Image
  Karaniwang smuggled goods na ibinebenta sa black market Image credit: https://www.freepik.com/ Ang black market ay tumutukoy sa mga transaksiyon na ginagawa na labas sa normal na daluyan ng negosyo sa ilalim ng batas at pamahalaan. ( What Is the Black Market? Examples of Products and Services ) Ito ay ang mga iligal na transaksiyon na karaniwang nagyayari tulad ng “under the table” na ginagawa upang makaiwas sa price control ng pamahalaan at sa pagbabayad ng tamang buwis. Kamakailan lang, nilusob ng mga ahente ng Presidential Anti Organized Crime Commission (PAOCC) ang isang POGO hub sa Bagac, Bataan na hinihinalang sangkot sa black market banking at iba pang illegal na gawain. Photo credit:  ‘Bataan POGO hub into black market banking’ © Michael Varcas/The Philippine STAR Ayon sa balita   ‘Bataan POGO hub into black market banking’ , ang Central One Project ay naka-rehistro bilang isang BPO o call center ngunit may indikasyon na ito ay gumagawa ng mga ilig...
Read more

NAP TIME - Stories on Philippine Offshore Gaming

Image
  Ang " NAP TIME - Stories on Philippine Offshore Gaming " ang opisyal na blogspot site ng Novaleños Against POGO Movement (NAPM) - isang samahang kusang-loob na binuo ng mga mamamayan ng Distrito Singko, Lungsod Quezon , upang ipakita ang matatag at makabayang paninindigan ng mga Novaleños laban sa Philippine Offshore Gaming Operators (POGO) . Ang blogspot na ito ay maglalaman ng mga artikulo, sanaysay at kuwento na may kaugnayan sa industriya ng offshore gaming sa bansa, lalong-lalo na sa Distrito 5 ng Quezon City . Ang mga nilalamang ito ay tugon o komento tungkol sa mga balita at halaw mula sa mga totoong pangyayari at mga taong nakasaksi ayon sa mga ulat sa balita. Ang blogspot na ito ang magiging hantungan o repository ng mga nilalaman na nais ipamahagi at ipahayag ng NAPM. Sa patuloy na lihim na operasyon ng mga ilegal na POGO sa ating bansa, lumalabas ang mga masamang epekto nito sa lipunan—hindi lamang sa seguridad ng bawat pamilyang Pilipino kundi bilang banta sa ...
Read more